Bohat si Bay-Sabab Baaten,

Bohat si Bay-Sabab Baaten,
Faqat Tamheed hoti hain,

Jo Aksar Tumse Kehtay Hain,
"Sunao! Aur Kese Ho?"

"Suno! Sardi Bohat hai Na?"

"Nahi, Mosam to Acha Hai."

"Chalo Acha Main Chalta Hon."

"Dobara Baat Kar Len Gay."

Ye Saari Bay-Sabab Baaten.
Faqat Tamheed Hoti Hain.

Aur Is Tamheed Main Jana!
Guzar Jatay Hain Sab Lamhay.

Guzar Jatay Hain Jab Lamhay.
To Phir Main Sochta Hon K.

Zara Si Baat He To Hai.
Tumhain Jaldi Se Keh Dengy.

MUJHAY TUMSE MUHABBAT HAI.